ទីក្រុងបារីស ៖ នាថ្ងៃទី១២ ខែកុម្ភៈ ឆ្នាំ២០២៥ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានអញ្ជើញចូលរួមក្នុងកម្មវិធីប្រារព្ធ “ខួប១០ឆ្នាំ នៃស្ថាប័នអន្តរជាតិបារាំងសម្រាប់ការប្រឹក្សាបច្ចេកទេស Expertise France” និងបានផ្ដល់កិច្ចសម្ភាសន៍ស្ដីពី “ចក្ខុវិស័យរបស់កម្ពុជាសម្រាប់ការអប់រំឆ្ពោះទៅអនាគត” (une éducation orientée vers l'avenir) នៅស្ថានីយ៍ F ទីក្រុងប៉ា​រីស ប្រទេសបារាំង។ កម្មវិធីនេះ មានការចូលរួមពីសំណាក់តំណាងស្ថាប័ន និងអង្គការអន្តរជាតិដែលជាដៃគូរបស់ Expertise France និងភ្ញៀវកិត្តិយសសំខាន់ៗជាច្រើនរូប។